"ЭРДЭНЭС ТАВАНТОЛГОЙ" ХК 128 МЯНГАН ТОНН НҮҮРС АРИЛЖЛАА
“Эрдэнэс Тавантолгой” ХК 2026 оны 05 дугаар сарын 13-ны өдөр Монголын Хөрөнгийн Биржээр дамжуулан хоёр удаагийн амжилттай арилжаагаар нийт 128.0 мянган тонн нүүрсийг 11.2 сая ам.долларын үнийн дүнтэйгээр БНХАУ-ын Мандал боомтод хүргэж өгөх нөхцөлтэйгөөр арилжааллаа.
Үүнд:
Эрчим хүчний нүүрс – 64.0 мянган тонн нүүрсийг $61.0-оос $65.5 ам.доллар хүртэл буюу 7.4 хувиар өссөн үнээр арилжаалж, нийт 4.2 сая ам.долларын үнийн дүнтэй хэлцэл амжилттай хийгдлээ. Арилжаанд 3 оролцогч оролцож, үнэ 4.5 ам.доллароор өсөв.
1/3 коксжих нүүрс /үнслэг 14–19/ – 64.0 мянган тонн нүүрсийг $88.9-өөс $109.4 ам.доллар хүртэл буюу 23.1 хувиар өссөн үнээр арилжаалж, нийт 7.0 сая ам.долларын үнийн дүнтэй хэлцэл амжилттай хийгдлээ. Арилжаанд 7 оролцогч оролцож, үнэ 20.5 ам.доллароор өсөв.
2026 оны байдлаар нийт 139 удаагийн арилжаагаар 7.6 сая тонн нүүрсийг 642.16 сая ам.долларын үнийн дүнтэйгээр арилжаалаад байна.
АНХААРУУЛГА: Уншигчдын бичсэн сэтгэгдэлд NIO.mn хариуцлага хүлээхгүй болно. Бид ХХЗХ-ын журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг NIO.mn устгах эрхтэй.