Нийслэлийн Засаг даргын А/1497 дугаар захирамжийн дагуу нийслэл, дүүргийн ЗДТГ-ын дарга нарын цэргийн бэлтгэл сургалтыг Батлан хамгаалах яам, Үндэсний батлан хамгаалахын их сургууль, Зэвсэгт хүчний 015 дугаар ангитай хамтран зохион байгуулж байна.
Сургалтаар Монгол Улсын дайчилгааны тухай хуулийн 28 дугаар зүйлийн 28.1.2 дахь заалтын дагуу батлан хамгаалах бодлого, үйл ажиллагааг танилцуулах, орон нутгийн хамгаалалт салбарын хууль тогтоомжийг хэрэгжүүлэх, сурталчлахад мэргэжлийн дэмжлэг үзүүлэх, төрийн батлан хамгаалах үйлчилгээг иргэдэд хүргэх хууль, эрх зүйн мэдлэгийг дээшлүүлэх талаар мэдлэг эзэмшүүлэх юм.
