2024-06-17, Даваа
29 C
Ulaanbaatar

Бүгд Найрамдах Индонез Улсын Гадаад хэргийн сайд Ретно Л.П.Марсуди Монгол Улсад айлчилна

Монгол Улсын Гадаад харилцааны сайд Б.Батцэцэгийн урилгаар Бүгд Найрамдах Индонез Улсын Гадаад хэргийн сайд Ретно Л.П.Марсуди 2023 оны 6 дугаар сарын 28-наас 7 дугаар сарын 1-ний өдрүүдэд Монгол Улсад ажлын айлчлал хийнэ. Энэхүү айлчлал нь Индонезийн Гадаад хэргийн сайдын түвшинд 10 жилийн дараа хэрэгжиж буй айлчлал гэдгээрээ онцлог юм.

Монгол Улсын Зүүн өмнөд Азийн улс орнуудтай хөгжүүлж буй харилцаа, хамтын ажиллагааг өргөжүүлэн хөгжүүлэх бодлогын хүрээнд Монгол, Индонезийн найрсаг харилцааг улам гүнзгийрүүлэн бэхжүүлэх, худалдаа, эдийн засгийн хамтын ажиллагааг шинэ агуулгаар баяжуулахад энэхүү айлчлалын зорилго оршиж байна.

Айлчлалын үеэр Монгол Улсын Ерөнхийлөгч У.Хүрэлсүхэд Индонез Улсын Гадаад хэргийн сайд Ретно Л.П.Марсуди бараалхан, Гадаад харилцааны сайд Б.Батцэцэгтэй албан ёсны хэлэлцээ хийж, хоёр улсын найрсаг харилцаа, хамтын ажиллагааг өргөжүүлэн гүнзгийрүүлэх, бүс нутаг болон олон улсын харилцан сонирхсон асуудлаар санал солилцоно.

Албан ёсны хэлэлцээний үеэр Гадаад харилцааны сайд нар Дипломат болон олон улсын харилцааны салбарт хамтран ажиллах тухай яамд хоорондын санамж бичигт гарын үсэг зурна.

Түүнчлэн Гадаад хэргийн сайд Ретно Л.П.Марсуди энэ 6 дугаар сарын 29-30-ны өдрүүдэд Улаанбаатар хотноо зохион байгуулагдах Гадаад хэргийн эмэгтэй сайд нарын уулзалтад оролцоно.

- Сурталчилгаа -spot_img

СЭТГЭГДЭЛ

Сэтгэгдэл оруулна уу!
энд нэрээ оруулна уу
Captcha verification failed!
Captcha хэрэглэгчийн оноо амжилтгүй боллоо. бидэнтэй холбоо барина уу!

Санал болгох

- Сурталчилгаа -spot_img