Монгол Улсаас БНХАУ-д экспортолсон нүүрсний хэмжээ 11 дүгээр сард 7.9 сая тонн болж, түүхэн дээд хэмжээнд хүрсэн байна. БНХАУ-ын Гаалийн газрын мэдээллээр 11 дүгээр сард Монгол Улсаас БНХАУ-д нийлүүлсэн нүүрсний хэмжээ өмнөх оны мөн үеэс хоёр дахин өсжээ. Монгол Улсаас БНХАУ-д нийлүүлсэн нүүрсний дөрөвний гурав орчим нь ган хайлуулах зориулалттай сайн чанарын коксжих нүүрс байсан байна.
БНХАУ-ын зарим уурхайн үйл ажиллагаа тасалдсан, аюулгүй байдлын хяналт шалгалтын асуудал зэрэг нь тус улсын дотоодын нүүрсний олборлолт буурахад нөлөөлжээ. 11 дүгээр сард БНХАУ-д нийлүүлсэн нүүрсний хэмжээгээрээ Монгол Улс Индонезийн дараа хоёрдугаарт бичигдэж, ОХУ-ыг гүйцээд байгаа аж.
ОХУ-ын Засгийн газар нүүрсний экспортод татвар ногдуулсан нь тус улсын өрсөлдөх чадварыг бууруулсан гэж үзэж байна. Үүний зэрэгцээ БНХАУ-ын өөр нэг томоохон нийлүүлэгч болох Австралийн нүүрсний тээвэрлэлт 2020 оны эцсээс энэ оны эхэн үе үртэл БНХАУ-ын тавьсан хоригоос бүрэн сэргэж чадаагүй байна
