2024-07-13, Бямба
15 C
Ulaanbaatar

Инфляцын түвшингээр тэтгэвэр нэмэх эсэх тухай хэлэлцлээ

Нийгмийн даатгалын багц хуулийн төсөлд иргэдээс санал авах уулзалт зохион байгууллаа

Монгол Улсын Засгийн газраас Улсын Их Хуралд өргөн мэдүүлсэн Нийгмийн даатгалын багц хуулийн төслийг Байнгын хороо болон чуулганы нэгдсэн хуралдаанаар хэлэлцүүлэх бэлтгэл ажлын хүрээнд Улсын Их Хурлын Нийгмийн бодлогын байнгын хорооноос хуулийн төслийг танилцуулах, хэлэлцүүлэх, иргэд олон нийтээс санал авах уулзалтыг Булган, Орхон, Дархан-Уул аймгуудад 2023 оны 03 сарын 09, 10-ны өдрүүдэд зохион байгууллаа.

Уулзалтад УИХ-ын гишүүн, ажлын хэсгийн гишүүн С.Ганбаатар болон ажлын дэд хэсгийн гишүүд оролцож, иргэд, даатгуулагчид, ажил олгогчдын төлөөллийн сонирхсон асуултуудад хариулт өглөө.

Улсын Их Хурлын гишүүн, ажлын хэсгийн гишүүн С.Ганбаатар ажил хөдөлмөр эрхэлж байгаа хүн бүрт хамааралтай нийгмийн хамгийн чухал суурь хуулийн шинэчилсэн найруулгын төслийг хэлэлцүүлж, саналыг нь авч хуульд тусгах тул уулзалт-хэлэлцүүлэгт оролцогчдыг идэвхтэй оролцохыг хүсэж, уулзалтыг нээлээ.

Нийгмийн даатгалын багц хуулийн төслийн талаарх танилцуулгыг Ажлын дэд хэсгийн гишүүн, Хөдөлмөр, нийгмийн хамгааллын яамны газрын дарга А.Хишигбаяр хийж, иргэдийн сонирхсон асуултанд хариулсан болно.

Уулзалтын үеэр иргэдээс хуваарилалтаас хагас хуримтлалын тогтолцоонд шилжихтэй холбоотойгоор төслийн 9.1 дэх заалтад туссан Тэтгэврийг өвлөх эрхийн тухай, хүнд нөхцөлөөр эрт тэтгэвэрт гарах талаар, нийгмийн даатгалын шимтгэл нэмэгдэх эсэх талаар, нийгмийн даатгалын шимтгэл тооцон авах цалин хөлс, түүнтэй адилтгах орлогын талаар, тэтгэврийн итгэлцүүрийг жил бүр шинэчлэх талаар болон инфляцын түвшингээр тэтгэвэр нэмэгдүүлэх талаар асуулт асууж, саналаа илэрхийллээ.

- Сурталчилгаа -spot_img

СЭТГЭГДЭЛ

Сэтгэгдэл оруулна уу!
энд нэрээ оруулна уу
Captcha verification failed!
Captcha хэрэглэгчийн оноо амжилтгүй боллоо. бидэнтэй холбоо барина уу!

Санал болгох

- Сурталчилгаа -spot_img